前市政局時間囊開啟 司徒華親筆書函曝光

相片來源：東方日報

時間囊，像寄給未來的信，訴說著你已遺忘了的人物事與情感，未完的心願。


97，是香港政治動盪的年, 市民議員都感前路茫茫, 只好將願景儲於時間囊中，長埋地底。10年，15年或20年過去後，別來無恙嗎？


立法會97年埋下時間囊，14年後立法會舊大樓完成歴史任務時出土；


市政局於2000年被殺，於是在97年及99年分別於大會堂及荔枝角公園埋下時間囊。大會堂的曾一度被以為會在2007出土，可惜都只聞樓梯聲。終於，於大會堂50周年出土。但重溫15年前的日子，竟然唏噓勝鼓舞。看司徒華有關國殤之柱的書函、吳永暉寫上「政治審查」的口罩...有感民主自由停滯不前。


在特首選舉後，不少市民對梁振英仍存介心。與其每日facebook洗版“狼來了”, 不如大家將他的言行政綱及今日香港的社會政治環境，開一個時間囊埋於禮賓府，5年後出土時，事實便勝雄辯。


節錄自2012/3/28 香港電台


前市政局於15年前在香港大會堂紀念花園埋藏的「時間囊」開啟，包括前主席梁定邦的演詞，已故司徒華放入的國殤之柱圖片及書函、當時的三料議員李華明收藏的艾頓約翰唱片，吳永暉寫上「政治審查」的口罩。


節錄自2011/7/18 商業電台


十四年前由當時議員放在立法會停車場的時間囊出土。支聯會已故主席司徒華當年埋下，九七年立法會動議平反八九民運的會議紀錄，民主黨主席何俊仁說，深信將來一定可以平反六四。而李華明就埋下九七年的樓價資料，他說，現時的樓價已經高過當年，政府沒有藉口不復建居屋。自由黨的劉健儀說，當年埋下兩條鐵路加價機制的草案，十多年後已合併成為一間公司，感覺神奇。


前市政局時間囊開啟　司徒華親筆書函曝光
2012/3/28 香港電台

前市政局於15年前在香港大會堂紀念花園埋藏的「時間囊」開啟，包括前主席梁定邦的演詞，已故司徒華放入的國殤之柱圖片及書函、當時的三料議員李華明收藏的艾頓約翰唱片，吳永暉寫上「政治審查」的口罩。

另外，亦有甘乃威放入的孫子漫畫以及中環街市的建議文件。至於陳約瑟以及孫啟昌，當年亦分別放入基本法以及與當時的候任行政長官董建華的合照等。

市政局時間囊出土 15年後人面全非

2012/3/29 明報

【明報專訊】香港大會堂50周年，亦都係市政局「殺局」12周年，噚日，20幾個前市政局議員到大會堂，見證1997年6月埋下嘅市政局時間囊出土。不過，出土嘅唔只係當年大家放入去嘅歷史文件同物品，仲有好多遺憾同失望。點解？因為好多當年市政局議員關心嘅事情，到家唔單只未解決，仲惡化咗。

民主黨吳永輝當年放咗寫上政治審查嘅口罩，佢話嗰時擔心香港文化藝術同言論自由會倒退，點知家香港新聞自由真係受影響，文化演出都有政治審查。民協譚國僑拎出當年市政局「減少廢物計劃初稿諮詢文件」，同樣感慨良多，話回歸至今，香港嘅減廢進展仍然麻麻。


華叔放國殤之柱相 何俊仁代領


已故嘅司徒華當年放咗一張國殤之柱相片，裏面仲有華叔寫嘅鬧市政局拒展示國殤之柱，覺得係對藝術品進行政治審查，呢張相由民主黨主席何俊仁代為領出。洪松勳就放咗有多名市民簽名嘅「中國領土釣魚台」橫額，佢話希望有朝一日大家可以去釣魚。


至於工聯會王國興就拎出當年佢寫嘅兩本書《市政興革》同《王國興政論集》，佢仲即場鬧康文署同食環署喺殺局後外判員工，令大部分市政局員工畀人炒魷。


前市政局主席梁定邦就同Emily講，當年有市政局幫手處理民生議題爭議，好似焚化爐等都較易興建，家區議會太地區性，結果立法會就要處理晒政治同民生議題，多咗好多政治爭拗。

政情：市政局時間囊變垃圾

2011/7/29 東方日報


歷史代表一個地方嘅傳承，夕陽政府不但冇珍而重之，仲好似當垃圾咁埋咗去堆填區。本報早前報道被「殺局」嘅市政局回歸前喺中環大會堂紀念花園埋下時間囊，揭發有關方面將一座大型花卉壓住埋藏時間囊嘅位置，意圖令市政局嘅歷史靜悄悄消失喺世上。雖然當局近日終於「認衰」，派人將有關花卉搬走，但仍然唔肯盡快開啟有關時間囊。

時間囊記載住歷史發展嘅軌迹，即將搬遷至添馬艦嘅立法會已喺本月中舉行盛大儀式將回歸前埋藏嘅時間囊「出土」，但相比之下，被「殺局」嘅市政局就無咁好彩，因為佢哋喺九七年埋藏嘅時間囊，原定應該喺十年後嘅○七年重見天日，但未知政府是否因「殺局」後心虛，直到今日對重開時間囊嘅時間表諱莫如深，不難令人聯想當局「去市政局化」。

據聞當年深受「殺局」傷痛嘅立法會議員李華明尋日正式「出招」，去信康文署第一把手馮程淑儀，要求對方回覆開啟時間囊嘅時間表同相關安排，同時盡快組織當年三十名市政局議員一同參與有關儀式。康文署回應時只係話，大會堂正探討開啟時間囊嘅法律同技術事宜，可能會喺明年大會堂慶祝五十周年期間開啟該時間囊，總之推三推四、拖得就拖嘅意圖明顯不過喇！

文物時間囊恐同一命運

夕陽政府希望遺忘嘅歷史又點只咁少！我哋仲發現臨時市政局及臨時區域市政局喺九九年底，喺當年兩局轄區交界嘅荔枝角公園埋下咗「文物時間囊」，預計於二○二○年開啟，但前臨時區域市政局議員周奕希見到有關方面咁草率咁處理時間囊問題，都驚佢哋個時間囊會遭遇同一命運，所以要求當局盡快交代邊個部門負責跟進該時間囊問題。

當年政府手起刀落殺局，一切交接都交代得清清楚楚，無理由漏咗啲時間囊無部門處理。當年一眾議員設立時間囊都係想記下歷史，兼且做個紀念，如果夕陽政府連一兩個時間囊都容不下，最後又觸發另一場政治風波，相信只係咎由自取。

立法會時間囊出土議員感受良多

2011/7/18 商業電台

十四年前由當時議員放在立法會停車場的時間囊出土。前立法局主席黃宏發，當時將立法局會議常規，放入錦囊，他說是希望立法機關可以平穩過渡，他覺得現時的議會不夠嚴，權力較以往小。

支聯會已故主席司徒華當年埋下，九七年立法會動議平反八九民運的會議紀錄，民主黨主席何俊仁說，深信將來一定可以平反六四。而李華明就埋下九七年的樓價資料，他說，現時的樓價已經高過當年，政府沒有藉口不復建居屋。自由黨的劉健儀說，當年埋下兩條鐵路加價機制的草案，十多年後已合併成為一間公司，感覺神奇。


立會「時間囊」 埋14年全數出土
2011/7/19 頭條日報


立法會舊大樓完成歷史任務，Kelly早幾天特地往舊大樓懷緬一番。對於一眾議員來說，值得紀念的，還有回歸前埋在大樓外的「時間囊」，昨天「時間囊」在百多位現任及前任議員見證下出土，究竟內有甚麼呢？

立法會昨舉行惜別儀式，多名前任與現任議員出席，包括前立法局主席黃宏發及前立法會主席范徐麗泰等，當中最矚目的，要數時光錦囊出土典禮，將十四年前由當時議員埋在地底的五十三件物品，全數出土。

事隔多年，有議員同Kelly講，不太記得當年放了甚麼進去，民建聯主席譚耀宗就指，好像放了一本《基本法》，象徵回歸。據Kelly所知，時間囊的其他物品，包括已故支聯會主席司徒華，當年放入平反六四議案及投票紀錄，記載了唯一一次獲立法會通過的六四議案。

        KellyChu