活動: 大會堂展大老倌戲服

2012/3/3 明報

【明報專訊】香港大會堂由1962年落成到家已經50歲喇！康文署聽日起到4月9日，會舉行「金禧舞台——香港大會堂50周年誌慶展覽」。大會堂除咗喺回歸前見證歷任港督宣誓就職，同港人日常生活都好密切，不論飲茶、睇戲、畢業、結婚……你實會去過大會堂。

「啟用50年」活動多

大會堂場地伙伴計劃經理Karen羅詠雯話，整個展覧籌備咗成年，由開頭咩都無，到聯絡到各大戲班、香港話劇團等借出《我和春天有個約會》用過嘅化妝箱、熱水壺、杯同電話，鳳凰女同麥炳榮喺1962年演出《鳳閣恩仇未了情》時穿著過嘅戲服，仲有大量珍貴靚相。

Karen覺得藝術最重要係活動，所以佢哋準備咗20個喺大會堂上演過嘅精選音樂會錄音、香港各界藝術大師嘅訪問片段，仲有1960年代實驗電影睇。