今年初搬到中環八號碼頭的海事博物館，上月起，舉行名為《晚清碎影》的跨年相片展覽，展出已故皇家攝影師約翰湯姆森（John Thomson）的作品，合共81張的老照片，早於150年前在中國華南一帶拍攝，其中22張在香港取景的黑白相片，更是首度曝光。這個世界巡迴相片展覽，自09年開始，先後在全球包括英美瑞典及北京等12個國家及地區展出。像跟着衞星航道走，在地球轉了一圈，這次，它回到照片拍攝的地點──香港。
「海事博物館臨海而建，頭先我坐車過嚟，就喺度諗，今日香港到處係高樓大廈，唔知百幾年前的德輔道海旁，會係點？」將這批原本不見天日的老照片，帶到世界各地的，是姚詠蓓。個子嬌小、說話溫婉的她，是今次世界巡迴展的策展人，上月底與夫婿一同來港，短留兩星期，為展覽打點之餘，又主持講座，風塵僕僕。重臨舊地，皇后碼頭不見了，維港沿岸，遍地高樓，這個「舊香港人」，百般滋味。
「我14歲先離開香港，呢度有我好多美好嘅回憶。」黃磚紅瓦的古堡校舍、瑪利諾修院學校那件雪白的校服；擠擁的人潮，嘈吵又親切的廣東話……因為工作，走遍大半個地球，這次，帶着香港的老照片，回到出生地，她說，意義重大。「John Thomson係上世紀紀實攝影嘅先鋒，當年嘅相片，大部份都係影樓硬照，端正身板，雙手垂搭膝蓋，Thomson卻與別不同，喜歡將鏡頭對準街上尋常百姓，充滿生活感。」
街上悠閒待客的轎夫、男尊女卑的貧苦家庭，還有三步不出閨門，但卻像現代少女、輕倚長廊拍照的富家小姐。當年的衣飾、拍攝對象的神情，無不令她神往，「19世紀前往中國嘅西方人，唔係為生意，就係為公差，要不就係傳教士，好少好似佢咁，對呢度嘅人同生活，真正感興趣，佢嘅照片，罕有咁紀錄咗晚清時中國唔同階層嘅面貌，除咗官員，更多嘅係平民百姓，如街邊賣水果嘅小販，女漁民，甚至係幫人剃頭、修腳嘅低下階層，都係佢嘅拍攝對象。」她說。
照片沒有獵奇感覺
John Thomson被譽為19世紀最偉大、也是最早一批來華的攝影師，1869年11月，英國愛丁堡公爵亞爾菲臘親王訪港，便由他負責拍攝，物移星換，菲臘親王的相片，變了歷史定格，他鏡頭下的眾生相，卻漸次被遺忘，「搵到呢批相片，絕對係偶然，06年，我同丈夫去惠康基金會醫學圖書館參觀，個館長見我係華人，就話喺倉有三大箱玻璃底片，好殘舊，隱約見到係東方面孔，問我有冇興趣睇吓。」
無心插柳的「邂逅」，讓她與這個早已作古的蘇格蘭攝影師，在相隔大半個世紀的倫敦，「神交」起來。透過大小資料室及博物館，重新認識這位來華遊歷攝影師的生前種種。原來，早於1868年，即在相機發明後不久，John Thomson便已到香港，並在皇后大道中開設照相館；其後他又花了五年時間，遊歷半個中國。流落在惠康基金會醫學圖書館倉庫的三大箱玻璃底片，正是這個時期的重要作品。
「好似發現咗一個寶藏，每日去圖書館翻看玻璃底片，Thomson嘅作品，冇嗰個年代西方攝影師對中國社會嘅獵奇感覺，大量人像，構圖很現代化，好有美感。除此之外，佢嘅好多作品，都以街景同建築物為題，嗰時，要拍到一張照片，需要攜帶大量玻璃底片、化學劑，以及流動黑房等笨重嘅攝影裝備。可以想像，每張相片嘅背後，都好艱辛，越深入研究，越加仰慕。」
據知，John Thomson回國後，繼續為皇室拍照，但這批擱在蘇格蘭大屋閣樓的六百幅玻璃底片，卻輾轉由後人於1921年，出售給英國收藏家亨利．惠康（Henry Wellcome），「佢嘅後人可能覺得嗰三箱玻璃底片好『阻碇』吧？據知當年係以極廉宜嘅價錢出售。」後人「唔識寶」卻錯有錯着，她說：「若不是賣了，蘇格蘭嘅閣樓出名潮濕，肯定會壞晒，再曬唔到咁靚嘅照片！」
不想好的作品被湮沒，姚詠蓓辭去原有文化推廣組織Asia House總監的工作，以外行人全力策展，「批相冇離開過英國，當時我就下定決心，要將相片帶返去亞洲，讓華人都有機會睇到。」照片落到收藏家手中，卻未顯露真正價值，塵封85年，誤打誤撞，讓姚詠蓓遇上了，在百年之後，價值重新被肯定。也許，物也如人，往後的路怎樣走，也要講一點際遇。
由2006年發現這批相片，到首個巡迴展覽，歷時三年，姚詠蓓與惠康基金會醫學圖書館洽談合作，又在英國找來專家，根據John Thomson遺下的圖解進行覆檢，考證照片的拍攝年期及地點；並利用新的技術，將玻璃底片修復，複印成半個人高的黑白硬照，讓觀賞的人看到相片的細節，「籌備嘅過程困難好多，尋找有質素嘅場館係一個問題；尤其08年，撞正汶川地震同奧運，要搵贊助，一樣困難重重。」
排除萬難，09年首站在父母居住的北京展出，原本只為還自己「將照片帶返亞洲」的心願，殊不知迴響卻極大，據指，除了她心中的華人對象，獲邀參觀的領使及外交人員，也予以極高評價，在英國倉庫不見天日的老照片，竟又應邀「回流」到愛爾蘭等地展出，四年之間，走遍12個國家及地區，「發展係始料不及，正如我點諗到，喺大世界遊咗一圈，又返嚟香港？」
無心插柳的「邂逅」，讓她與這個早已作古的蘇格蘭攝影師，在相隔大半個世紀的倫敦，「神交」起來。透過大小資料室及博物館，重新認識這位來華遊歷攝影師的生前種種。原來，早於1868年，即在相機發明後不久，John Thomson便已到香港，並在皇后大道中開設照相館；其後他又花了五年時間，遊歷半個中國。流落在惠康基金會醫學圖書館倉庫的三大箱玻璃底片，正是這個時期的重要作品。
「好似發現咗一個寶藏，每日去圖書館翻看玻璃底片，Thomson嘅作品，冇嗰個年代西方攝影師對中國社會嘅獵奇感覺，大量人像，構圖很現代化，好有美感。除此之外，佢嘅好多作品，都以街景同建築物為題，嗰時，要拍到一張照片，需要攜帶大量玻璃底片、化學劑，以及流動黑房等笨重嘅攝影裝備。可以想像，每張相片嘅背後，都好艱辛，越深入研究，越加仰慕。」
據知，John Thomson回國後，繼續為皇室拍照，但這批擱在蘇格蘭大屋閣樓的六百幅玻璃底片，卻輾轉由後人於1921年，出售給英國收藏家亨利．惠康（Henry Wellcome），「佢嘅後人可能覺得嗰三箱玻璃底片好『阻碇』吧？據知當年係以極廉宜嘅價錢出售。」後人「唔識寶」卻錯有錯着，她說：「若不是賣了，蘇格蘭嘅閣樓出名潮濕，肯定會壞晒，再曬唔到咁靚嘅照片！」
不想好的作品被湮沒，姚詠蓓辭去原有文化推廣組織Asia House總監的工作，以外行人全力策展，「批相冇離開過英國，當時我就下定決心，要將相片帶返去亞洲，讓華人都有機會睇到。」照片落到收藏家手中，卻未顯露真正價值，塵封85年，誤打誤撞，讓姚詠蓓遇上了，在百年之後，價值重新被肯定。也許，物也如人，往後的路怎樣走，也要講一點際遇。
由2006年發現這批相片，到首個巡迴展覽，歷時三年，姚詠蓓與惠康基金會醫學圖書館洽談合作，又在英國找來專家，根據John Thomson遺下的圖解進行覆檢，考證照片的拍攝年期及地點；並利用新的技術，將玻璃底片修復，複印成半個人高的黑白硬照，讓觀賞的人看到相片的細節，「籌備嘅過程困難好多，尋找有質素嘅場館係一個問題；尤其08年，撞正汶川地震同奧運，要搵贊助，一樣困難重重。」
排除萬難，09年首站在父母居住的北京展出，原本只為還自己「將照片帶返亞洲」的心願，殊不知迴響卻極大，據指，除了她心中的華人對象，獲邀參觀的領使及外交人員，也予以極高評價，在英國倉庫不見天日的老照片，竟又應邀「回流」到愛爾蘭等地展出，四年之間，走遍12個國家及地區，「發展係始料不及，正如我點諗到，喺大世界遊咗一圈，又返嚟香港？」
徐展堂為其舊老闆
展覽在海事博物館開幕當天，已故香港富商徐展堂的兒子徐浩銓，就送來花牌祝賀，「徐展堂係我做電視台年代嘅舊老闆，諗唔到徐家仲咁有心。」姚詠蓓的香港淵源，尚不止14歲前的回憶，還包括她上半生的事業。歐洲東方衞視（CNE），是徐展堂於九十年代初，出資創辦的歐洲電視頻道，當年，姚便透過獵頭公司推薦，出任集團總經理，是當時歐美首個華人女台長。
「這之前，我都係做出版工作，出版美術專書，辦歌劇雜誌Opera Now，並無電視製作嘅經驗，嗰時我哋係全新嘅電視台，行所謂廚房路線，其實只係從海外華人嘅生活入手，製作佢哋圈子最關心嘅嘢。」十多年前的英國，八成華人都開餐館，靠「廚房」養家，由姚詠蓓製作有關開門七件事的節目，到《歐華創業錄》等公共事務製作，不少飄洋過海的華人仍然記得，陪伴了一代人成長。
「同北美好唔同，歐洲居住嘅華僑，大部份都住得好分散，尤其係北歐，有啲小鎮，基本上只有幾千華人居住，嗰時，成日都要到處飛，去到當地，親身同當地嘅電訊局傾落地廣播，嗰個年代，華人離鄉別井喺異地搵食，好多都唔識英文，思鄉情切，知道有華語廣播嘅電視台，好多人真係會捉住你隻手，感動到流下眼淚。」她說。
十年的電視台工作，讓她培養出尋找各地中國人的「職業本能」，搖身成為策展人，一樣派上用場，「以前到處去，只為洽談落地廣播，𠵱家每去一個地方，就會先搵下當地嘅博物館位置，睇吓係咪適合做展覽。」出身書香世家的姚詠蓓，外曾祖父是中國第一劇作家齊如山，母親賀寶善，曾寫下《思齊閣憶舊》一書，記下外公生前種種，包括與梅蘭芳及齊白石交往的逸事。
「我仲記得，媽媽喺北京嘅四合院，放滿外曾祖父寫嘅書，媽媽係學音樂嘅，佢80歲過身，喺佢人生最後嗰20年，努力寫作，我唔識寫嘢，遺傳唔到外曾祖父同媽媽嘅天份，但喺咁嘅環境之下長大，令我特別敬重從事藝術創作嘅人，由出版歌劇雜誌、製作電視台節目到成為策展人，無非都係想設立一個平台，讓更多人有機會欣賞到呢啲好嘅作品。」回歸她熟悉的香港，站在她心愛的老照片前，姚詠蓓笑得開懷。
「這之前，我都係做出版工作，出版美術專書，辦歌劇雜誌Opera Now，並無電視製作嘅經驗，嗰時我哋係全新嘅電視台，行所謂廚房路線，其實只係從海外華人嘅生活入手，製作佢哋圈子最關心嘅嘢。」十多年前的英國，八成華人都開餐館，靠「廚房」養家，由姚詠蓓製作有關開門七件事的節目，到《歐華創業錄》等公共事務製作，不少飄洋過海的華人仍然記得，陪伴了一代人成長。
「同北美好唔同，歐洲居住嘅華僑，大部份都住得好分散，尤其係北歐，有啲小鎮，基本上只有幾千華人居住，嗰時，成日都要到處飛，去到當地，親身同當地嘅電訊局傾落地廣播，嗰個年代，華人離鄉別井喺異地搵食，好多都唔識英文，思鄉情切，知道有華語廣播嘅電視台，好多人真係會捉住你隻手，感動到流下眼淚。」她說。
十年的電視台工作，讓她培養出尋找各地中國人的「職業本能」，搖身成為策展人，一樣派上用場，「以前到處去，只為洽談落地廣播，𠵱家每去一個地方，就會先搵下當地嘅博物館位置，睇吓係咪適合做展覽。」出身書香世家的姚詠蓓，外曾祖父是中國第一劇作家齊如山，母親賀寶善，曾寫下《思齊閣憶舊》一書，記下外公生前種種，包括與梅蘭芳及齊白石交往的逸事。
「我仲記得，媽媽喺北京嘅四合院，放滿外曾祖父寫嘅書，媽媽係學音樂嘅，佢80歲過身，喺佢人生最後嗰20年，努力寫作，我唔識寫嘢，遺傳唔到外曾祖父同媽媽嘅天份，但喺咁嘅環境之下長大，令我特別敬重從事藝術創作嘅人，由出版歌劇雜誌、製作電視台節目到成為策展人，無非都係想設立一個平台，讓更多人有機會欣賞到呢啲好嘅作品。」回歸她熟悉的香港，站在她心愛的老照片前，姚詠蓓笑得開懷。
No comments:
Post a Comment