中銀展出珍藏鈔票

2012/11/1 明報

【明報專訊】原來早喺1940年代，香港政府曾臨時用過由中國人民銀行發行嘅5蚊紙幣，可能唔少人見都未見過，不過唔緊要，Emily知道中國銀行最近搞咗個「中國香港珍藏鈔票展覽」，由今日起至12月15日喺花園道嘅中銀大廈舉行，當中會展出清末以來唔同年代嘅鈔票同票據，好似安徽裕皖官錢局喺1907年發行嘅1蚊銀元票，仲有罕見嘅「蘇區鈔票」同「美國軍用票」。而上圖中展示嘅新中國最早期發行一萬蚊紙幣（牧馬圖，圖a），同埋佢嘅同系，5000蚊紙幣（蒙古包圖，圖b）、500元面值（瞻德城圖）嘅鈔票，亦會同時展出。