譚惠珠獻出私伙 鄧小平物品展

自從睇完六四紀念館，不停諗：「點解要決定血洗天安門」...我都好想知點解會有一個咁的決定。呢個展覽對了解鄧小平的想法，會有幫助嗎？

2012/6/12 明報

【明報專訊】各界文化促進會為慶祝回歸15周年，將舉辦「世紀偉人鄧小平」展覽，除咗展出鄧小平寫嘅嘢、用過嘅地圖等，有份參與《基本法》起草嘅港區全國人大代表譚惠珠，更會拎出佢當年開會嘅筆記本供展覽。

89年開會舊相曝光

不過，最多人關心都係展覽會唔會有關於六四嘅文本、錄音等，籌委會主席楊釗就話六四仲有唔少爭論，雙方面嘅意見都好尖銳，目前唔適宜發表未必客觀嘅事喎。不過，籌委會秘書長李國強就爆料，展品中包括一幅來自1989年嘅相片，係影鄧小平喺屋企同楊尚昆等中共中央政治局常委開會場面。睇番資料，呢張相應該係當年5月19日，已故總書記趙紫陽去廣場探完學生後開嘅會議，最終趙紫陽就被拉落台，並決定由江澤民出任總書記。

展覽喺今個月14至19日喺大會堂低座舉行，其中14號係預展，前特首董建華、特首曾蔭權等將主持開幕，展品仲多達18個展櫃。